Iti botos a 20-3: Corona, Nakonbiktaran

Nagbalin a kaunaan a Chief Justice iti pakasaritaan ti Pilipinas a naikkat babaen ti Impeachment Trial ni Renato C. Corona kalpasan nga inyetnagen ti Senado kas Impeachment Court ti desisionna idi Mayo 29 kalpasan ti uppat a pulo ket uppat nga aldaw a panangdengngegda iti rason ti prosecution panel nga idauluan ni Dip. Neil Tupaz Jr. ken ti depensa nga indauluan ni Ret. Justice Serafin Quevas.

Duapulo wenno ad-adu iti uppat iti kasapulan a 16 wenno 2/3 ti Senado ti nangibaga a guilty ni Corona iti Article 2 wenno saanna a panangideklara iti husto nga Assets, Liabilities ken Networkna. Karaman ditoy da Sen. Edgardo Angara, Sen. Alan Peter Cayetano, Sen. Pia Cayetano, Sen. Franklin Drilon, Sen. Francis Escudero, Sen. Jinggoy Estrada, Sen. TJ Guingona, Sen. Gingo Honasan, Sen. Panfilo Lacson, Sen. Lito Lapid, Sen. Loren Legarda, Sen. Serge Osmeña, Sen. Francis Pangilinan, Sen. Koko Pimentel, Sen. Ralph Recto, Sen. Bong Revilla, Sen. Vicente Sotto III, Sen. Antonio Trillanes IV, Sen. Manuel Villar ken Senate President Juan Ponce Enrile.

Agpapada dagitoy a nangibaga a nupay dida kanunongan ti wagas ti prosekusion a nangidatag kadagiti ebidensia kangrunaanna dita ti imbagada a 45 properties a naduktalan la a 5 ken ti 82 accounts a naduktalan nga 4 laeng kalpasanna, saan kan a nakaaawat ti depensa a saanna nga indeklara ti dollar accountsna kas maikanatad iti bank secrecy law. Maysa pay a nagibasaranda ti empleado ti korte suprema a naikkat kalpasan a dina naideklara iti SALN na ti kaadda ti stall na iti tiendaan isu a saanda met nga inawat ti palusot ti depensa gapu iti saanna aa panangideklara iti $2.4 million ken nasurok P80 million a kuartana iti bangko.

Tallo laeng ti bimmutos a maabsuelto ti chief justice gapu iti kunada a saan nga umdas ti panangilimedna iti bank accountsna tapno maikkat gapu ta nalaglag-an daytoy no ikumpara iti treason ken betrayal of public trust. Karaman ditoy da Sen. Joker Arroyo, Sen. Miriam Defensor Santiago ken Sen. Ferdinand Marcos Jr. Kasapulan ti walo wenno 1/3 ti senado tapno maabsuelto koma daytoy.

Gapu met itoy, saanen nga intuloy pay a dinesisionan ti Impeachment Court ti Article 3 ken 7 a nakaidaruman ni Corona gapu ta maysa laeng ti kasapulan tapno naikkat wenno makonbiktaran ti akusado iti Impeachment Proceedings. (Mancielito S. Tacadena)

INSURANCE PARA BARANGAY OFFICIALS/WORKERS

Inaprobaran ni Gov. Chavit Singson idi Mayo 24 , 2012 ti resolusion nga indatag dagiti kapitan  iti panangidaulo ni ABC Pres. Mario Subagan. Naipalaon iti resolusion ti pannakaited iti  death aid benefits  nga aggatad iti P100,000 kadagiti pumusay a kapitan ti barangay, P50,000 iti kagawad kagawad, sekretario ken tesorero ti barangay ken P35,000 para kadagiti  Barangay Health Workers, Barangay Tanod, Barangay Nutrition Scholars ken kameng ti Lupong Tagapamayapa. (ladawan:Dante Tacata/Teksto:Mancielito S. Tacadena)

 

 

 

 

NEW CORN VARIETIES

Korea Non Destructive Testing Co. headed by Moon Ki, Lee, Director for High Tech Agri Food Research and Development Center shows 11 new varieties of corn to Gov. Chavit Singson during their visit in Ilocos Sur recently. The company handed out samples to the provincial government which will be planted in a demo farm here to test the viability of mass production here. Moon Ki, Lee told that these varieties will have an average yield of 10 tons per hectare. (photo:Dante Tacata/text:Mancielito S. Tacadena)

SEA URCHIN

Popular for its deliciousness, sea urchin (locally known as maritangtang) costs P80-P120 per kilo in the market and serves as source of income to many fisherfolks in Ilocos Sur. Divers like this one from San Esteban Town starts diving early in the morning to pick matured sea urchins that he will sell to his customers who regularly orders from him.  (photo:Ricardo Raguini/text:Mancieliro S. Tacadena)

Empanada

Empanada a naidumduma

Sikat’ naglatakan

Ti siudad a naraniag

Uray pay adut’ di namati

Panagsiudadna sikat’nangaywan

Sikat’ daydayawen

Laglagipen ti kaaduan

Nangruna dagiti addat’ ballasiw-taaw

Raman ken ramenmo

A nakairuaman, sudit’

Panagkaykaysa, panagdidinnanggay.

Idiay Riverside, umaykayo

Pakasarakan dasar agduduma

Adda regular, adda  special

Adda seedless, adda eggless

Nasarangsang ken napintek

Itlog a naipatengga

Longganisa a naipauneg

Naipalawlaw giniling a balatong

Arkos pay papaya a nakarus

Sa nawarsian sangkapirit nga asin

Mabsog la unay ket mapnek

Boksit ken iliw a mabisbisin

Saramsam ken balon

Agsubli ken pumanaw.

Sika, empanadat’bukod a siudad

Maikari unay iti pannakapadayaw

Ta iti sadino man, ‘ta nanammo naisalumina

Awan makatulad, awan makaartap

Aramid pakakitaan, aramid pakaramanan

Aramid ti siudad a naraniag

Ay, empanadat’ Batac

Ingget imas!

Jennifer Tagavilla

(Naipablaak iti Bannawag  June 27, 2011)

Iliwko ken Iliwmo

Panangilalam, puon ‘toy biag

Liwliwa ti kararuak

Gamengko iti panagrigat

Taudan pudno a ragsak.

Dinak nga’d koma ikulbo

Ketdi, alawennak iti limdo

Suruannak a mangisuro

‘Toy pusok mangtukad ayatmo.

Maminribu nga itdem ket itdek

Pagsanguanta a singed ken pateg

Agtuokak man ngem siak ti agtalek

‘Toy iliwko ken iliwmo napnuan talged.

Sika a nangyawatak rikna

Nangitalkak iti amin a bara

Kupikopam inggana’t inggana

Ket kenka, diakto met sumina.

Jennifer Tagavilla

(Naipablaak iti Bannawag August 29, 2011)

Kari

Napadasam kadin:

Nagayat a napnuan sam-it

Dimo marukod, dimo makur-it

Aglaplapunusan a segga

Barukong naynay a mail-ila?

Laglagipem:

Iliw a madi maipeksa

Pingping, bibig, mata, agladingit

Idanonda agingga’t langit

Agsangsangit, umar-araw.

Inkarim:

Ti kudil kas nalukneng a pungan

A pagdas-alan man dagiti dakulap

Uray pay makimat

Dinto mamki.

Pinasingkedam:

Kari a makapudno, mangilala

I’yoy puso a rinakayat’ duadua

Impaneknekmo panangyalikaka

Ayat biniagmo kaniak, kadata.

Jennifer A. Tagavilla

(Naipablaak iti Bannawag May 2, 2011)