Epekto ti Climate Change iti Industria ti Nateng, napagpapatangan

Ti pananglaban iti epekto ti panagbaliw ti klima para iti nasayaat nga industria ti  nateng ti nagpapatangan iti Regional Vegetable Symposium a naangay iti siudad ti Vigan idi Nobiembre 25-26. Dinar-ayan daytoy dagiti mannalon manipud iti Pangasinan, La Union, Ilocos Sur ken Ilocos Norte.

HARVEST TIME. Madaman ti panagapit ni Mang Arnel Rafanan ti Sinabaan, Sta. Catalina, Ilocos Sur kadagiti mulana a cauliflower. Maysa ni Mang Arnel kadagiti nasapa a nagmula iti nateng iti ili a maaw-awagan iti Vegetable Bowl of the North. (teksto:Mancielito S. Tacadena/ladawan:Dante Tacata)

 

Iti panagsarita ni Vice Gov. Deogracias Victor “DV” Savellano, kinunana a kasapulan a malapdan ti climate change isu a kasapulan ti panagsagana sakbay a maladaw ti amin.

“Agyaman ti gobierno probinsial ti Ilocos Sur iti Departamento ti Agrikultura iti Rehion Uno ta napanunotda daytoy a symposium tapno malawlawagan dagiti mannalon a saanda a mailaksid iti epekto ti panagbaliw ti panawen.” Kinuna ni Savellano.

Mayataday  kan unay daytoy iti programa ti administrasion ni Gov. Luis “Chavit” Singson a pannakapasayaat ti agrikultura iti probinsia tapno adda umdas a suplay ti taraon para kadagiti umili.

“Napateg dagiti mannalon. No awanda saanko nga ammon no ania ti napasamaken iti amin. Espesial da a klase ti tao ta mabasada pay ti panawen. Baban laeng ti panangamiris iti aglawlaw ammodan no tiempon ti panagitukit iti bukel.” Innayon ti bise gobernador.

Regional Vegetable Symposium. Madama ti panangipresentar ni Department of Agriculture Regional Technical Director Paz Mones kadagiti epekto ti panagbaliw ti klima iti agrikultura bayat ti 2 nga aldaw a Regional Vegetable Symposium iti siudad ti Vigan idi Nobiembre 25-26. (teksto:Mancielito S. Tacadena/ladawan:Dante Tacata)

 

Karaman kadagiti napagpapatangan iti dua nga aldaw a taripnong dagiti mannalon ti Organic Agriculture ken Agri-P-NOY Program, Climate Change, Good Agricultural Practices on Vegtable Farming, New Development and Policies under the HVCC Program, Convergence Techno Demo, Problems and issues of the Industry, Priorities para iti 2011, ken naaddaan met dagiti seed companies a nangipakita ken nangilawlawag iti inalat dagiti lakoda a bukel a bin-i. (Mancielito S. Tacadena)

About these ads

Comments are closed.

Follow

Get every new post delivered to your Inbox.

%d bloggers like this: