Nagballaigi a nanguli ni Erwin Bagoyo, 42 manipud iti Magsaysay, Santa, Ilocos Sur iti poste ti palosebo tapno ibabana ti premio nga adda iti ungtona bayat iti Kannawidan a Paay-ayam a paset ti Bicentennial Celebration ti probinsia nga Ilocos Sur idi Pebrero 6, 2018. Maysa ti palosebo nga ar-arakan dagiti tattao iti agtinawen a Kannawidan Ylocos Festival. (ladawan ken teksto: Mancielito S. Tacadena)
Inyalat ni Angelica Maranan (maikapat manipud kanigid) ti Salcedo Ilocos Sur ti titulo a Saniata ti Ylocos 2017 bayat ti maikasangapulo a KANNAWIDAN YLOCOS FESTIVAL a naangay idi Pebrero 2, 2017. Napili met kas Saniata ti Ilocos Sur 2017 World ni Dianne Lacayaga (maikatlo manipud kanigid) ti Sugpon, Saniata ti Ilocos Sur 2017 Tourism ni Sarah Bona (maikadua manipud kanigid) ti Alilem, Saniata ti Ilocos Sur 2017 Environment ni Sammie Legaspi (maikalima manipud kanigid) ti Cervantes, 1st Runner Up ni Ferbie Ramirez (kanawan) ti Santiago ken 2nd Runner Up ni Jewel Palacat (kanigid) ti Candon City. (ladawan pammadayaw ni Grace Bonna Singson ti Provincial Tourism Office ti Ilocos Sur)
Kas pannakipaset ti Gobierno Probinsial ti ilocos Sur iti selebrasion ti 2016 National Rice Awareness Month ita a bulan ti Nobiembre, maysa a boodle fight a pangaldaw ti inangay dagiti empleado ti kapitolio iti panangidaulo ti Provincial Agriculture’s Office idi Nobiembre 7, 2016. Brown rice ti naisagana a pagsasanguan kas panangitandudo iti tema ti selebrasion a Brown4Good Challenge Accepted: We Bring Four Goodness by Eating Brown Rice. Ikamkampania ti Departamento ti Agrikultura ti pannangan iti brown rice imbes a well milled gapu ta ad-adu ti sustansia a maala iti saan unay a naukisan a bagas. (ladawan: Joey Culabat/Teksto: Mancielito S. Tacadena)
Inyalat ni Nicka Abegeil Corpuz manipud iti ili a Bantay (maikatlo manipud iti kanigid) ti korona ti Saniata ti Ilocos Sur 2016 bayat ti naangay a koronasion idi Pebrero 2. Kaduana iti ladawan da (agpakanawan) Charlyn Villena ti Sigay, First Runner-Up; Christine Julian Opiaza ti Sinait, Saniata ti Ilocos Sur-Tourism; Gizelle-Ann Albaran ti ili a Narvacan, Saniata ti Ilocos Sur-World; Michelle Abcede ti Vigan City, Saniata ti Ilocos Sur-Environment ken April Soliven ti Cervantes, Second Runner-Up. Ti Saniata ti Ilocos Sur ket maysa kadagiti tampok iti maika-9 a Kannawidan Ylocos Festival. (ladawan: pammadayaw ni Rexson Peneyra)
As a way of celebrating October fest, ILOCANDIA INK in cooperation with ANTOKOY’S RESTO BAR will be conducting a Tattoo Competition on October 26, 2013 at Antokoy’s Resto Bar (#24 Burgos St. cor. J.P. Rizal St. Vigan City).
Isang Gabi ng Arte, Rakrakan at pagbaha ng Beer.
Improklama dagiti kameng ti Provincial Board of Canvassers iti panangidaulo ni Provincial Election Supervisor Atty. Alipio Castillo (tengnga), DepEd Schools Division Superintendent Marino Baytec ken Provincial Prosecutor Atty. Robert Canoza (agpada nga adda iti igid) dagiti nangabak a kandidato iti probinsia ti Ilocos Sur. Ryan Luis Singson (maikatlo iti kanawan) kas baro a gobernador, Deogracias Victor Savellano (maikatlo iti kanigid) kas nailayon a bise gobernador, Ronald Singson (maikadua iti kanigid) kas agsubli a diputado iti umuna a distrito ken Eric Singson (maikadua iti kanawan) kas baro a diputado iti maikadua a distrito ti Ilocos Sur. (ladawan:Dante Tacata/teksto:Mancielito S. Tacadena)
Kas pangawis iti ad-adu pay a turista nga umay agpasiar iti Ilocos Sur, nailukaten ti dancing fountain iti katengngaan ti lagoon iti Plaza Salcedo a masarakan iti siudad ti Vigan. Pinunduan ti gobierno probinsial, inaramid daytoy ti maysa a Korean Construction nga eksperto iti panagaramid iti fountain. (ladawan:Dante Tacata/teksto:Mancielito S. Tacadena)
photo:Dante Tacata)
(photo by:Joey Culabat)
No mapanka iti Quirino, Ilocos Sur ket dimmalanka iti Cervantes, daytoy a karayan ti masungadam sakbay a madanonmo ti sentro ti ili. Makita ditoy ti atiddog a foot bridge nga isu ti dumalanan dagiti umili a nga agnaed kadagiti barangay iti ballasiw ti karayan. (makinngato a ladawan). Daytoy met ti buya a masungadam to agturongka iti Quirino a dimmalan iti San Emilio. (makinbaba a ladawan). (MSTACADENA)
Saanen a parikut sagiti agindeg iti Brgy. Patiacan, Quirino ti ibaballasiwda iti karayan tunggal panagtutudo. Daytoy ket kalpasan a nailukat ti spillway iti tengnga ti karayan nga agturong iti sentro ti barangay idi Marso 20. Iti ladawan, indauluan da Mayor Clifford Patil-ao, Cong. Ryan Luis Singson, Vice Gov. DV Savellano ken dadduma pay a sangaili ti pannakainagurar ti nasao nga spillway a napunduan iti innem a milyon a naggapu iti Provincial share ti R.A. 7171. (ladawan:Dante Tacata/Teksto:Mancielito S. Tacadena)
Around Ilocandia Channel 
You must be logged in to post a comment.